Kajumissutsimik Suleqataaneq
AWG2016-imi nammineq kajumissutsimik suleqataaneq
AWG2016-ip ingerlannissaanut nammineq kajumissutsiminnik suleqataasut 1500-it missaaniittut pisariaqartinneqarput.
• Nammineq kajumissutsinnik suleqataasut AWG2016-ip piviusunngortinnissaanut pingaaruteqarluinnarput. AWG2016-ip piareersarneranut, AWG2016-ip ingerlanneqarneranut aamma AWG2016-ip kingorna sulinermi peqataasinnaapput.
• AWG2016-imi nammineq kajumissutsiminnik suleqataaguit suleqataaninni immikkuullarissumik misigisaqasssaatit assigiinngitsutigullu sulinikkut ilaatigullu pikkorissarnikkut nutaanik ilikkagaqarsinnaallutit.
AWG2016-ip nalaani nammineq kajumissutsimik sulineq
• AWG2016-ip nalaani nammineq kajumissutsiminnik suleqataasut tamarmik makkuninnga tunineqassapput:
- Kavaajaq
- Aaqanngitsoq (vest)
- Saqqarmiuaraq
- AWG2016-ip kingorna suleqataasut fiisternissaannut qaaqqusissut
• AWG2016-ip nalaani suleqataasussat tamarmik sulinissaq sioqqullugu qaaqquneqassapput sulinissamut piareersarneqarlutik.
• AWG2016-ip nalaani suleqataasussat meeqqanik pinerliisimannginnermut uppernarsaammik pineqaatissinneqarsimannginnermillu uppernarsaammik aallerfigineqassapput. AWG2016-ip piareersarnerani AWG2016-illu kingorna suleqataasunut tamanna atuutinngilaq.
Apeqqutissaqaruit uunga allassinnaavutit volunteer@awg2016.gl imaluunniit uunga sianersinnaavutit (+299) 382034.
Imaluunniit Volunteer Centeriliarsinnaavutit Kuussuaq 17-miittumi.
Ammasarfiit:
Ataasinngorneq & Tallimanngorneq: Nal. 10.00-16.00.
Pingasunngorneq: 10.00-20.00.
Marlunngorneq & Sisamanngorneq: Nal. 11.00-18.00.
